古天樂建議基仔敷冰瞓覺

古天樂昨日在圓方出席「第七屆香港薩蘭托國際電影節」活動，並獲大會頒發「Salento Cinema Actor Award」獎項作表揚，是古仔人生中第六個電影大獎，他開心表示會把獎項送給媽咪作為母親節禮物。

此外，古仔昨晚擔任古巨基個唱嘉賓，兩人合唱張國榮的《當年情》，對於基仔日前不慎跌落台受傷，古仔表示有短訊問候對方，又提議用冰敷住睡覺防止肌肉發炎，古仔又謂︰「我去年着住30、40磅盔甲拍科幻片都整傷咗頸椎骨，都搞咗年幾先好番。」