馬明扮的士司機賺外快

馬國明在《降魔的》扮演的士司機深入民心，雖然劇集已播完一段時間，但是該角色為他帶來不少額外收入，他亦樂於享受「的士司機」為自己帶來的得益！

馬國明昨天出席信用卡活動，推廣以電子方式支付的士車費。馬明表示之前試過坐的士遇過尷尬情況，「一係得$1000紙幣無得找續，一係帶唔夠錢，可以用信用卡就減少好多不必要麻煩，電子付款真係方便好多。」

自從在《降魔的》飾演的士司機後，馬明承認多了商業活動邀請及登台，他說︰「其實無計過賺幾多，不過都算滿意啦。以往都係扮醫生、律師比較多回響，估唔到扮的士司機都有着數。（買個的士牌囉！）好貴㗎！」有傳《降魔的》開拍續集，馬明都有聽聞，不過故事及人物還要參詳，相信不會短期內開拍。

宋熙年留港生B

為活動擔任司儀的宋熙年（Sarah），腳踏吋半高踭鞋及穿上露背裙，問到老公陳智燊（Jason）可會提點？她指老公會提醒她忌食生冷食物及行動要小心。Sarah笑言長輩們嚷着要添置BB用品，她說︰「衫仔唔使買太多，BB頭幾個月大得好快，如果朋友送新淨二手衫仔無任歡迎，最緊要唔好浪費。」雖然她和Jason的父母都在外國，但Sarah已決定留港生產，屆時她的父母會從澳洲來港。

採訪︰Pauline

攝影︰林良明