張敬軒預告 個唱戰衣浮誇

將於六月在紅館開騷的張敬軒，目前已積極操弗，不過身形瘦削的他，不用減磅之餘還要增肥，主要是為了着衫更好看。

張敬軒前晚到電視城錄影《流行經典50年》。軒仔直言今次上節目是為六月的演唱會熱身，大唱自己的串燒歌及陳百強的歌曲，他又說︰「因為黎小田之前搵過我幫佢做演唱會，可惜我要去三藩市開騷做唔到，所以今次上嚟補番數。」

歌手開騷前也忙着減磅，軒仔則剛好相反，要為演唱會增肥十多磅，事關今次演唱會的服裝有點浮誇，身形要有一定分量才穿得好看。問他怎樣增肥？軒仔笑言飲食方面依然很健康，之前被影到有個肚腩仔，所以今次增磅同時也要減肚腩，但又不用操到似陳柏宇咁弗。

家燕姐全家減磅

薛家燕則自爆最近開始減磅，除了做節目穿晚裝，亦為娶新抱當天穿得靚靚，她笑說︰「近排同個仔一齊減肥，我哋全家夜晚都唔食飯，希望減10磅，但係唔會太瘦，因為太瘦會顯得好憔悴。」

撰文︰Pauline

編輯︰黃卉彤

美術︰梁政敏