《美女廚房》未煮先講 阿Bob擺馬明心穎上枱

馬國明、黃心穎、蕭正楠及林盛斌（Bob）等逾50位藝員，昨日在影視娛樂博覽為無綫新節目造勢。新一輯《美女廚房》主持阿Bob大講有味笑話取笑心穎BB，馬明竟然面紅兼口啞啞，無力拯救佳人。

新一輯《美女廚房》將由阿Bob、蕭正楠及張振朗做主持，心穎被問及可有拿手小菜？她取笑阿Bob是「多仔公」，所以烹調牛鞭給對方試食；誰知阿Bob即反擊心穎說︰「牛鞭我無乜興趣，但想試下你成日食嘅馬鞭！」只見心穎無力還擊，同場的馬明亦「天然呆」難救女友，尷尬得滿臉通紅，全場爆笑。

心穎事後大方笑言不覺尷尬︰「只係我唔知點接好。」馬明亦否認面紅，「唔係呀，只係熱啫，阿Bob不嬲都好鍾意講笑，而且我哋又好熟，大家講得笑！」

願食一世公仔麵

從未親自下廚慰勞馬明的心穎稱︰「我想上《美女廚房》發揮小宇宙，煎蛋煮公仔麵都OK。」問馬明願意一世食心穎煮的麵嗎？他直言︰「我食嘢唔揀擇，好易服侍。」

撰文︰李潔盈

編輯︰陳禮恒

美術︰招潤洪