阿佘袁詠儀同場 Chilam夾在中間「企硬」

懸疑電影《洩密者》及黑色喜劇《家和萬事驚》，昨日在影視娛樂博覽舉行預告片首播儀式。兩部新片的主角，包括吳鎮宇、古天樂、張智霖（Chilam）、袁詠儀（靚靚）及佘詩曼等皆有出席。靚靚更表示很久沒有演喜劇，感覺新鮮。

在活動上，焦點集中於張智霖、袁詠儀及阿佘身上，因阿佘曾與Chilam合作而傳過緋聞，難得今次Chilam老婆靚靚也同場。而Chilam影大合照時一度企錯位，站在靚靚和阿佘中間，露出尷尬表情，站姿僵硬，他與阿佘近乎零交流。到祝酒儀式時，阿佘主動跟靚靚碰杯，尷尬氣氛始平息下來。

唔需要尷尬

記者笑指Chilam站在兩女之間「硬晒」，他即說︰「唔通軟晒，成條軟皮蛇咁咩！」他並解釋私下在party都見過阿佘，也有打招呼。

其後，靚靚提到三人同場時表示︰「好正常，唔係企邊個隔籬先硬晒？（阿佘囉！）其實我哋唔係好熟，我去探班見過幾次，打個招呼係禮儀。我同Chilam都同咁多人傳過緋聞，咁咪好唔得閒？我又唔係細路仔，無尷尬啦！」

採訪︰Pauline

編輯：陳禮恒

美術：梁政敏