親戚賣野味 軒仔唔敢認食家

鄭裕玲和農夫主持新一輯《Do姐有問題》，前晚錄影一集有張敬軒、單立文（豹哥）和太太胡蓓蔚做嘉賓。該集以食為主題，在廣州長大的軒仔自稱食過蛇蟲鼠蟻，但慢慢轉了做素食者。

張敬軒很久沒有參與遊戲節目，他笑言今次參與《Do姐有問題》等發財，目標是贏取一萬多元獎金，事前更認真地做足功課，希望同組的農夫不會給他山埃貼士。軒仔謂︰「今集主要講食，我開咗餐廳幾個月，對食都有啲認識。」

節目中有試食環節，軒仔自言不是「金舌頭」，亦非食家。問他最怕食甚麼？軒仔笑言︰「我細個喺廣州長大，有乜嘢未食過，以前有親戚賣野味，數得出嘅昆蟲同動物都有，食到流鼻血都試過。其實我最怕食蟲，成長後對動物同生命價值加深咗認識，慢慢轉做素食者，依家返餐廳都係食沙律。」

30歲過後易有肚腩仔

一向身形瘦削的軒仔，最近發覺有中年發福迹象，他續稱：「以前油浸都唔肥，但年過30歲開始有中央肥胖，所以要堅持運動keep fit，稍有鬆懈就有肚腩仔。」問他是否為六月的演唱會操肌？他表示只想練好體能，個唱銷情理想，畢竟相隔四年再開騷，都希望有好成績。

豹嫂撑姚子羚堅強獨立

此外，「胡說八道」好姊妹姚子羚與男友鄭子邦分手，豹嫂表示已發短訊慰問，子羚亦有回應「OK」。豹嫂稱子羚一向堅強和獨立，會懂得處理事情，這是兩個人的決定，外人不應講太多。有指一班姊妹在澳洲拍攝旅遊節目玩求婚玩出禍，豹嫂並不認同。

撰文︰Pauline

編輯：陳禮恒

美術：梁政敏