全場起哄 古天樂唱《男朋友》勁尷尬

男神古天樂雖然曾出碟做歌手，但實情最怕唱歌，不過前晚古仔出席香港電影工作者總會春茗時，突然全場起哄要他上台唱歌，結果他尷尬開金口唱出其金曲《男朋友》，成為全晚高潮。

古仔前晚以演藝人協會會長身份出席春茗，J.Arie、王梓軒及小肥等演出歌手突然邀請古仔上台，更即場唱出金曲《男朋友》。只見古仔一臉無奈兼尷尬，但仍禮貌接咪唱了幾句歌詞，令全場拍爛手掌。事後J.Arie在IG爆片並興奮寫道︰「人生有咩癲得過喺古天樂古先生面前，大大聲聲唱佢嘅金曲《男朋友》，佢中途真係有開金口唱㗎，好爆……真係好爆，因為從來無人夠膽喺佢面前唱！」

王梓軒否認被無視

有眼利網民發現王梓軒在片段中表現極興奮，更想與古仔擊掌，但慘遭古仔無視。王梓軒事後澄清只是舉手助慶，並非想擊掌，又大讚古仔為人大方又玩得。

撰文︰李潔盈

編輯︰林梓添

美術︰招潤洪