白色情人節 詩詠苦無回禮對象

唐詩詠（Natalie）昨日出席美容產品發布會，一向看來皮膚好好的她，自爆多年前拍劇曾經試過曬傷皮膚，最後用了很多錢去做美容及修復皮膚。

昨日穿上大露背裙的Natalie表示，很久之前出現過皮膚問題。「細個唔識護理，拍劇出外景又唔識得搽防曬，結果曬傷咗，令到原本正常嘅皮膚都變敏感肌膚，成塊面紅到一撻撻，又滿面玫瑰痤瘡，花咗幾年時間先慢慢修復，仲要成日敷mask。」

接受自己不完美

問她可有考慮過微調？Natalie口快快表示︰「唔知調邊！（係咪覺得好完美？）咁又唔係，如果塊面可以細啲，對眼大啲就好，不過我會接受自己嘅不完美。（唔想喺街見到個樣好似倒模？）我好怕痛，做除斑機少少痛已經好盡。」問到現在皮膚改善了，是否不用再去做美容？她笑言都仍要保養，有少少問題就要好像搵男友一樣要「快狠準」處理。

今日是白色情人節，女方在情人節收到心儀對象的禮物趁機會回禮表達意思，Natalie不忘幽自己一默︰「情人節我都無收到男仔送禮，又邊有對象回禮啫？」

採訪︰Pauline

編輯：林梓添

美術：梁政敏