流感初癒開騷 許志安狀態回勇

《許志安演唱會2018深圳站》前晚於深圳灣春繭體育館舉行，在農曆年前確診乙型流感的安仔明顯消瘦不少，不過在台上爆肌展舞功，令歌迷看得相當投入，情緒高漲。

安仔病癒後趁開騷前盡量多吃，務求回復體力。他說︰「我有『Show前恐懼』，因為表演前病咗會好唔開心，覺得對唔住歌迷。我康復後外出都戴口罩，20幾度都穿外套。」病癒的他在台上跳唱《友情歲月》，唱到興起時更脫掉皮褸騷肌，令全場情緒高漲。

今次演唱會歌單經過全新編排，更首次現場唱出獲得「奧斯卡最佳原創歌曲」的動畫《玩轉極樂園》廣東話版主題曲《Remember Me》。另外，安仔又提到今次第一次唱出《想說》的完整版，是他在1993年推出首張國語唱片中的歌曲。他笑說：「在場嘅歌迷有啲比較年輕，擔心佢哋唔識呢首歌，不過大部分歌迷竟然跟着唱，我覺得很意外。」

向恩師阿梅致敬

安仔又趁今次演唱會，獻唱恩師梅艷芳名曲《親密愛人》，他憶述︰「阿梅以前帶我到很多舞台，我就好似小朋友同觀眾一樣，喺舞台下持續學習、吸收咗六年。今日喺呢度唱佢嘅歌，我諗佢一定會好開心！」

撰文︰Pauline

編輯︰林梓添

美術︰招潤洪