羅力威娶雨僑一切從簡

羅力威和雨僑早前宣布今個月31日拉埋天窗，兩人只想搞一個簡單又溫馨、令自己和賓客難忘的婚宴。縱然男方並沒有安排豪華婚禮，準新娘雨僑倒也配合，加上她本身都不是愛奢華的人，婚後生活簡單就是美好。

羅力威昨日到商台受訪時表示，日前已完成過大禮儀式，他透露婚宴已選定在淺水灣酒店舉行，「其實我同阿僑都主張一切從簡，所以當日唔會有接新娘，主要下午搞簽紙同Cocktail，夜晚兩家人食餐飯就算。」婚宴場地預計可容納200多人，以英皇的同事佔多數。

得閒就操肌

問到心情緊張嗎？他笑言與阿僑婚禮前還有很多工作，不過閒下來他仍有舉啞鈴健身︰「就快有六嚿腹肌啦，（到時騷肌？）其實想着衫好睇啲啫！」兩人拍拖以來一直Sweet到爆，就連籌備婚禮的過程也從沒有嗌交，他甜笑謂︰「就快娶到好老婆，咁耐以嚟我哋相處都好舒服。」至於會否計劃生B？他說暫時未諗，但他深信太太會是個好媽媽，不過還是順其自然好了。

至於度蜜月，羅力威坦言沒有刻意安排，「我哋都係乜都要快嘅人，有時食餐飯都會一齊食個叮麵就算，呢方面大家都好有默契。」

採訪、攝影︰Pauline

編輯：林梓添

美術：梁政敏