封攝影師眼中「最具魅力演員」 劉華︰我真人靚仔啲

劉德華昨晚與范冰冰出席「香港專業電影攝影師學會」30周年晚宴，兩人同時獲頒「攝影師眼中最具魅力男、女演員獎」，華仔直言本港有很多男演員都具有魅力，自己只是其中一個，問他覺得自己哪方面最上鏡？他鬼馬表示︰「我真人靚仔啲，五官方面耳仔都唔錯，頭髮邊一邊分界就代表邊塊臉靚仔，所以我經常兩邊分界。」

對陳玉蓮情有獨鍾

至於他眼中最具魅力的女演員是誰？華仔又笑言︰「今晚梗係話范冰冰啦。不過我會揀蓮妹（陳玉蓮），係情有獨鍾。」而華仔憑電影《拆彈專家》入圍第37屆香港電影金像獎「最佳男主角」。「今年好多新血，古天樂都做得唔錯，鄭中基嗰套《大樂師．為愛配樂》的劇本我好鍾意。」華仔又透露跟競逐最佳男主角的田壯壯認識多年，對方曾找他做導演，但當年因細膽而不敢拍，華仔笑言︰「萬一拍得唔好，我驚連演員都無得撈。（依家準備挑戰？）我都成日咁諗，但會有票房壓力。」

而范冰冰昨晚回應胞弟范丞丞因背負她的名氣在娛樂圈發展而很大壓力，冰冰即指家人都為他感到開心，並不認為他有壓力。但當提到有傳范丞丞是她的私生子？冰冰一聽到即黑臉︰「我不回應，已經講了很多次！（很無奈？）不是，是問題很無賴。」

採訪︰Pauline

攝影︰林良明