余迪偉4月開騷 王菀之小儀畀面力撑

商台DJ余迪偉將於四月六至八日假演藝學院演出一人劇場，昨日在銅鑼灣一間拳館舉行發布會。近日積極操肌的他，在好友王菀之（Ivana）及小儀鼓勵下，大方展露腹肌，他揚言操到成績，亦會在舞台上繼續騷肌。

余迪偉昨日在四位拳擊教練陪同下出場，在宣傳海報赤裸上身的他，形容這是最赤裸的一次，席上司儀問他何不跟幾位教練一齊騷肌？他謙稱腹肌不及教練結實。

大講有味笑話

小儀受訪時笑言雖然與迪偉相識多年，不過很有興趣聽他以前在紐約的生活。余迪偉笑謂︰「我唔敢亂講，佢（小儀）連我個真名（余國雄）都爆埋出嚟！」Ivana則說自「森美小儀歌劇團」已捧對方場，更因此成為好友，發現迪偉對人生很有見地︰「雖然佢有時鍾意講色情嘢，但係我都會支持到底。」首次一人擔起整場騷，迪偉表示原先以為純粹一人分飾幾個角色，卻發現又要兼顧唱歌和跳舞。小儀隨即提起迪偉曾經演繹鹹濕歌，問迪偉演得興起時會否脫光衣服？他半認真表示︰「一人劇場真係好自由，所以一定要18歲先可以入場，但現場唔會查身份證。」

此外，席上小儀與迪偉不時大講有味笑話，迪偉戲言要除褲，讓觀眾一窺「大蟒蛇」，小儀忍不住嘲笑他︰「係大蟒蛇……孵化出嚟條蛇仔咋！」

採訪︰Pauline

攝影︰林良明

編輯：林梓添

美術：梁政敏