許冠傑譚詠麟入紙8月再開騷

歌神許冠傑（Sam）和校長譚詠麟（阿倫）去年在紅館舉行的《阿Sam&阿Tam Happy Together演唱會》，相當受歡迎，不少粉絲看後仍覺得唔夠喉，紛紛要求開part2，而前晚藝能製作的facebook專頁發布一段阿Sam、阿倫與許懷欣、許懷谷和劉天蘭等人，提早吃團年飯的短片，同時宣布一個喜訊。短片中，劉天蘭問阿Sam和阿倫︰「演唱會係咪會開part2？」Sam說︰「8月嘛！」阿倫則笑言︰「好多人睇完我哋個騷都好開心，尤其依家流感咁勁，睇完行（氣活）血，病痛都少啲。」