紅磡高質西餐廳 歎T骨扒

自從港鐵黃埔站通車後，搵食方便得多，也陸續有更多優質餐廳開業。新餐廳Amber's Table就以親民價錢，帶來酒店水準的美食，像黑安格斯T骨扒、慢煮燒豬手、自家製意粉及薄餅等，大大份，適合開心Share。

老闆Beth首次開餐廳便以愛女名字Amber來命名。她曾於多間五星級酒店擔任採購，包括文華酒店集團、香港半島酒店、帝苑酒店等；故此嚴選食材，例如36個月西班牙黑毛豬火腿、美國USDA牛扒、活波士頓龍蝦等。廚師班底也來自五星級酒店，廚藝紮實，自家搓薄餅底、製意粉、手打漢堡扒，還自製醬汁、薯蓉、醃椰菜等。

餐牌以西餐為主，牛扒薄餅漢堡意粉意大利飯，兼有小量亞洲風味，像海南雞飯、咖喱牛腩飯配印度烤餅，選擇頗多。推介幾乎枱枱必點、日賣超過50隻的德國燒豬手，每隻重約650克，豬手先經慢煮5小時，有柯打才即燒，於烤爐目擊豬手如何變金黃色、外皮脆卜卜，未食已覺吸引。外皮香脆鬆化，肉質仍保持軟滑，味道鹹香適中，配以自製醃椰菜及薯蓉，很豐富。

每日3款自家製意粉

自製意粉也屬亮點，意大利蛋、意大利00麵粉，由廚師搓成麵糰後，用意大利運來的意粉機製成麵條，每天有3款自家出品，包括Lasagnette、Fettuccine及Angel hair。美國黑安格斯Reserve級T骨牛扒酒店同樣貨色要近千元，這裏約打六折，集合西冷及牛柳位置，食出兩種質感，每份扒更可自選醬汁及2款配菜，食完飽了大半。

Amber's Table

地址︰紅磡黃埔新天地黃埔花園第3期百寶坊地下27號舖

電話︰3689 9175

營業時間︰12nn-10:30pm

平均消費︰午市$100、晚市$250

編輯︰魏雋

美術︰李明