做星級導遊 森美練定飲歌冧團友

森美最近獲EGL東瀛遊任命為星級導遊，昨日在機場帶領團友往日本德島旅行，原來今次森美太太亦有同行，他笑指太太專程監場︰「不過佢唔記得帶護照，真係豬一樣的隊友！」

首次正式做導遊的森美，坦言心情緊張又興奮︰「因為唔知會遇到咩人，不怕神一般的對手，只怕豬一般的隊友，希望可以開開心心咁玩。」他自言已特別練習兩首飲歌，準備在旅程中為團友獻唱。提到太太同行，森美取笑老婆說︰「佢最怕有神一樣的隊友，即係女神般嘅團友！」

謝絕曬肌肉

提到森美日前在IG上載Fit爆健身相，被網民發現「飛釘」，他搞笑指今次旅程不會向團友曬肌︰「呢樣要額外加錢，因為會好蝕本嘅。至於IG相，我係不知不覺地激凸，我好少影肌肉相。我以為凸點、走光係女星先有，估唔到我都要試一次，我下次會小心啲。」

撰文︰李潔盈

編輯︰黃卉彤

美術︰梁政敏