陳冠希返港大談湊女經

陳冠希（Edison）、文詠珊（JM）及黃偉文等前晚現身服裝品牌活動。已做了爸爸一段時間的Edison今次並沒帶女兒返港，他表示很掛念囡囡，不過Edison卻沒有與女兒玩視像，因不想她太年幼便接觸電子產品。

陳冠希此行只逗留兩日出席活動，之後會到北京，農曆新年會返美國洛杉磯過，他自爆屆時會帶女兒睇NBA明星賽。問他返港可有掛住囡囡？他面露冧樣謂︰「非常掛住佢，其實我外出工作大部分時間都帶埋個囡一齊，好開心睇住佢長大，第一次發聲講少少嘢、識爬嚟爬去，嗰種開心係解釋唔到。（囡囡識得叫爸爸未？）未真正識講嘢，剩係識得『爸爸，依依呀呀』。」

日日都係情人節

問到同女友秦舒培如何分配時間湊女？他笑言二人會輪流早起餵奶，星期日就要視乎兩公婆邊個「唔好彩」。不過他讚囡囡乖，每晚都會瞓八至十個鐘。情人節將至，Edison稱沒有特別慶祝，對他而言日日都是情人節。

另外，文詠珊談到早前去芬蘭時，抵埗後發現一度遺失行李。「入面有廿幾個暖包，我真係好怕凍，都唔知可以去邊度買番啲嘢。」JM指這件事是一個好的經驗。

撰文︰Pauline

編輯：林梓添

美術：招潤洪