陳瀅單身情人節無尷尬

回復單身的陳瀅，雖然一直有傳與何猷亨復合，但二人已分別否認。陳瀅前晚出席活動時，更表示慶幸今年情人節和農曆新年日子相近，可避免要孤獨搵節目。

邵氏網劇《守護神》前晚舉行煞科宴，演員苗僑偉（三哥）、陳瀅、歐鎧淳及男友胡子彤等出席。陳瀅表示剛放完假，因此農曆新年將不會離港，提到就到情人節，回復單身的她表示，幸好情人節與農曆新年日子相近，不用一個人搵節目，「身邊好多朋友可以陪我一齊過，陳嘉寶啱啱結婚，可以𢭃佢封利市。」談到舊愛猷亨成為最年輕政協，陳瀅大讚他很勤力，亦替他開心。

歐鎧淳放心拍親熱戲

另外，歐鎧淳和男友胡子彤一齊參與拍劇，但二人卻完全沒有對手戲。問到是否放心另一半拍親熱戲？胡子彤反問︰「要擔心乜嘢？佢（歐鎧淳）同黃庭鋒只係手拖手，至於我同陳瀅拍完親熱戲，報道出街後有畀佢睇，其實佢哋兩個好Friend㗎。」

劉德華宣布今年底舉行跨年演唱會，三哥笑言華仔巡迴演出時最好可以帶埋他。不過三哥最頭痛是很多朋友找他訂飛。「仲要有啲無錢收！（華仔狀態如何？）好正常。（你會上台嗎？）隨時奉陪。」

採訪︰Pauline

編輯︰林梓添

美術︰梁政敏