陳法拉沖繩沙灘過X'mas

正於美國紐約修讀戲劇的陳法拉，趁聖誕假期飛往沖繩，跟家人度過一個和暖的聖誕節。明年便正式畢業的她，自言過往幾年都在紐約過節︰「前幾年聖誕都係行下雪地，或者喺屋企圍住火爐食大餐，今年同屋企人決定去個無雪嘅地方，經大會投票就去沖繩。」她自言極度容易曬黑，來到沖繩後即變「黑妹」，所以急急去藥房及超市狂掃美白面膜補救︰「要享受由雪地跳去海灘嘅滋味，背後都要付出代價。」