翠如被彈廚藝 蕭正楠急補鑊

蕭正楠（Edwin）及黃翠如昨日以情侶檔出席慈善跑活動，二人被問到遲些會否帶小朋友一同參加親子慈善跑？翠如笑說言而尚早，Edwin就說照顧孩子的責任很大，因此會認真考慮。提到Edwin日前「投訴」翠如煎燶蛋，翠如笑說︰「我呢幾日都唔同佢講嘢。」Edwin立刻補鑊︰「我朝朝都要食蛋，依家習慣食煎爆咗嘅蛋。」翠如笑說會跟妹妹去外地學廚，Edwin卻叫女友索性跟他表弟學整漢堡包。