方逸華追思會 傷腳欣宜︰一定要嚟鞠躬

邵逸夫遺孀方逸華（六嬸）上月在養和醫院病逝，享年83歲。其追思會昨日於邵氏影城舉行，大批政商及演藝界名人到場懷緬，向六嬸送上最後致敬。

汪明荃、曾志偉、樂易玲、甄珍及兒子劉子千等昨午分別抵達追思會，腳傷未癒的欣宜與許廷鏗結伴出席，欣宜撑住拐杖到場，她眼泛淚光表示︰「我一定要嚟鞠躬，因為方小姐算係睇住我大，我亦係飲TVB嘅奶大，一入行都係方小姐帶住我。」

汪明荃跟六嬸認識40多年，阿姐直言深受對方影響：「方姐為人親切，無論家庭同事業都照顧得好好，照顧阿Sir（六叔）嘅功勞一定唔少得。」曾志偉坦言不捨六嬸離開，更憶述每年她都會搵他幫手拍賀歲片。

陳勳奇抗癌成功

至於去年患上「甲狀腺未分化癌」而暴瘦的陳勳奇，積極抗癌一年漸漸康復。15歲已在邵氏長大的他，表示年輕時十分反叛，幸獲方小姐原諒，他慨嘆︰「近十幾年我喺大陸做關心下一代嘅事，可能老天爺覺得我任務未完成，叫我唔好走住。」

撰文︰倪小珊

編輯︰陳禮恒

美術︰梁政敏