JC安志杰 為追B密密做

安志杰（Andy）與太太Jessica C.（JC）昨日出席《海洋公園聖誕全城hohoho》活動，夫婦倆已育有一女Tessa，直言想為女兒追多個弟妹，安志杰更自爆兩公婆「日日做」，認真勤力。

安志杰和JC去年三月誕下女兒，今年十月遠赴夏威夷舉行婚禮，一家三口樂也融融。兩人昨日在活動上透露，今年將留港歡度婚後首個聖誕節，JC興奮表示︰「今次亦係我第一次喺香港過聖誕，好開心同完整。」

Andy亦慶幸聖誕不用工作可以陪妻女，兩公婆更一早購買大量聖誕禮物給女兒︰「買了很多玩具，今年亦想跟囡囡布置屋企，同埋一齊整薑餅。」

兩人亦坦言有追B大計，JC不諱言︰「我好想追個仔，不過對Tessa嚟講可能生女好啲，而且我都係兩姊妹。」

至於Andy則表示仔女都沒所謂，問到會否製造一個聖誕BB？他笑言︰「我哋日日都做，係everyday baby。」

撰文︰倪小珊

編輯︰黃卉彤

美術︰李明