陳慧琳幫8歲蝦餃仔揀老婆

陳慧琳（Kelly）的大仔劉昇（蝦餃仔）今年才八歲，但她已急於物色禮物送給未來新抱，Kelly大爆早前到大仔學校出席親子日活動，發現囝囝的女同學很多靚女，有些鬼妹仔還很可愛，Kelly說不介意未來新抱是金髮靚女，但接受不到衣着太暴露。

Kelly昨日出席金至尊尖沙咀旗艦店開幕儀式，已做了13年代言人的她稱當年結婚，老公送了一枚五卡鑽石戒指給她，原先諗住送給女兒做嫁粧，但生了兩個囝囝，惟有送給未來新抱。

買鑽石唔限budget

Kelly更表示要買多粒鑽石保值。「得一粒唔夠分，所以我物色緊一粒同卡數同Grade嘅鑽石送畀細仔新抱。大仔今年八歲，到38歲結婚，應該升值好多倍，所以會趁個價啱就入手。（預幾多budget？）無定，睇番市價囉。」

笑問蝦餃仔拍拖未？Kelly嚇得瞪大雙眼︰「未咁快！（對未來新抱有咩要求？）大方得體、斯文就得，最緊要唔好Rock！Yo住咁同我Say Hi就唔好喇。爆粗又係唔好，仲要千祈唔可以暴露，斟茶畀老爺奶奶，成個身『烏』低，個胸拋晒出嚟就嚇死啦，（畀老爺睇之嘛！）老爺到時老花，要幫佢打格仔呀。」

採訪︰Pauline

編輯：林梓添

美術：李明