周柏豪無信心攞男歌手獎

《2017勁歌金曲優秀選第二回》前晚在九展舉行，這是周柏豪在年中加盟星夢娛樂後，出席首個TVB音樂獎項，他多謝新公司支持之同時，亦不忘感激舊公司華納多年來的栽培。

早前盛傳蕭定一與無綫有官司，旗下藝人遭TVB封殺，但柏豪則不在封殺之列，他解釋︰「我經理人係TVB同種星堂，蕭生只係同種星堂有合作關係，所以我唔牽涉其中。（係咪有信心在總選中奪獎？）我唔敢抱期望，會以睇明星心態出席，完全無信心奪男歌手獎。」他坦言今年主要集中拍劇及開演唱會，全年僅得一首劇集主題曲《天網》，估計得歌手獎機會不大。

另外，陳曉東憑粵語新歌《時間做證》得獎，相隔九年再度現身香港頒獎禮。問他之後會否唱多些歌？東東說︰「希望啦！不過依家心態改變咗，唔會過分期盼獎項。」

陳曉東明年開騷

陳曉東直言在場有很多樂壇新人都不認識。他又稱正準備明年二月的演唱會，最近不停開會，他亦染了藍色頭髮拍海報。至於會否加場仍未落實，只知道會舉行巡迴演唱會。

撰文︰Pauline

編輯︰林梓添

美術︰顏玉玲