中港兩邊走 徐子珊自嘲似跨境學童

徐子珊繼年前完成珠寶課程，目前正進修心理學碩士課程，仍是單身的她令人擔心沒有異性夠膽埋身，不過子珊稱暫時不關心是否拍拖，更沒有想過轉行。

徐子珊昨日到九龍灣出席彩粧活動，並即場示範換粧及分享化粧心得，以低胸裝現身的子珊，露出事業綫相當性感。她稱最近忙於拍攝網劇《守護神》，今個星期又要應付考試。「依家仲讀緊心理學碩士，依家係學期最後一星期，之後到明年一月中才再返學，所以今朝四點半起身溫書呀。」

問到高學歷怕不怕無人追？子珊說︰「無去諗呢啲，每日返深圳拍劇，又要返香港上堂，搞到自己好似跨境學童咁。希望考完試，下星期可以全程投入拍攝工作。」問到讀心理學是否打算轉行？她笑言︰「又無諗過喎，到時先算啦。」不過，子珊希望可以挑戰飾演心理學家。「好多人話讀完可以睇穿人嘅心理，其實係誤解，心理學係用科學證明人嘅行為心態。」

睇好三哥再封視帝

提到一月舉行的無綫頒獎禮，子珊表示睇好「三哥」苗僑偉和宣萱做視帝、視后。「佢哋係我好朋友，三哥之前在馬來西亞攞咗視帝，都想佢同宣萱再攞獎。」子珊最近與三哥一齊拍網劇，她大讚對方心情好靚，日前一齊開工，三哥還請大家食午飯。

採訪、攝影︰Pauline

編輯︰林梓添

美術︰顏玉玲