馬明︰視帝有競爭仲開心

《降魔的》演員及監製前晚齊齊食火鍋睇大結局，提到馬國明被網民力捧為視帝大熱，他說︰「隨緣啦！演員只好盡力做，三哥（苗僑偉）都拎咗（大馬頒獎禮）視帝啦，所以對手唔止我同王浩信嘅，仲有好多人，大家有競爭咪仲開心！」他又表示攞獎與否講求運氣，事實上該劇原先並非台慶劇，加上成本不高，卡士也不強，如今獲得觀眾支持的確喜出望外。而女主角黃智雯則希望《降魔的》能奪「最佳劇集獎」。

另外，劇中扮演的士司機「龍貓」的何遠東，其催淚演技獲網民封為「綠葉王」，更獲睇好在台慶頒獎禮得獎。他開心說︰「今年拍咗兩套劇《心理追兇Mind Hunter》同《降魔的》，兩套劇嘅角色都係「洋蔥系」，畀人叫『王』我唔敢講，但的確將演戲空間拉闊咗。」

採訪︰Pauline