君如首次執導嘆係報應

吳君如、吳鎮宇昨日出席慈善活動，君如還帶同囡囡陳是知一齊參與。兩母女跟一名患有眼疾的小朋友傾偈，從而了解小朋友的情況。

君如昨日提到自導自演的電影《妖妖鈴》將於今個聖誕檔上映，她搞笑地表示打算將戲名改為《妖鈴鈴》，這構思是以道士揸住個鈴的諧音。

《妖妖鈴》除了有鎮宇演出外，君如透露還有方中信，不過當她說「方中Sir」時，鎮宇隨即笑她︰「唔好咁叫呀，人哋會誤會係Benz雄（許紹雄），應該叫港版Richard Gere。」君如笑個名好out，鎮宇立刻解釋︰「噚日有人咁叫佢，佢仲chok住樣嚟應喎。」君如又指該片是一部瘋狂式喜劇，希望觀眾睇得開心。問到首次執導是否感到壓力？她自嘲有報應。「以前畀人服侍慣，依家做導演要服侍班大帝，現場辛苦啲就要𠱁，有時搞到唔知自己係演員，又唔知自己演到去邊。」

鎮宇：開40晚通宵

在旁的鎮宇立即揶揄她︰「佢講到自己好偉大，有無諗過我哋連續開40晚通宵，唞一晚揼骨都唔得，剩係可以偷偷地去揼個Afternoon骨。有時開日班都仲可以睇電視、飲杯酒relax下；開夜班嘅生活節奏好似改變晒。」

撰文︰Pauline

編輯：林梓添

美術：梁政敏