與Aimee食飯拖手放閃 陳豪：唔可以畀愛冷卻

陳豪（阿Mo）和陳茵媺（Aimee）自從三個仔女出世後，鮮有二人世界的時間，但近日阿Mo抽空與老婆拖手逛街撑枱腳，並分享到社交網站放閃。阿Mo認為即使湊小朋友多忙，也要享受夫妻間的拍拖時間，這樣的生活才健康。

阿Mo的大仔Aiden將於12月4日踏入四歲，他表示將為囝囝舉行「超級英雄」主題的生日會。問他可會扮其中一位英雄？他笑言未諗，目前先搞好場地、小朋友喜歡的食物及娛樂等，他說︰「一個party真係好多嘢要搞，太太係搞party能手，保證小朋友玩得好開心，同埋充滿驚喜！」

問到可準備好生日禮物給Aiden？阿Mo說Aiden的生日後，很快是聖誕節，因此沒有買太多禮物，畢竟Aiden應該有許多生日禮物未拆，希望他玩完一件玩具才拆另一件，才不會浪費，還有新鮮感。

阿Mo剛拍完劇，聖誕假期可以陪伴家人，近日忙於與孩子布置聖誕樹，還要陪Aiden和二仔Nathan到學校面試，忙碌得很。阿Mo表示，雖然Aiden未升小學，但希望他習慣面試，從而培養自信心，他認為入讀小學幾乎已斷定Aiden的人生，所以希望搵一間適合他的學校。

談到日前他和Aimee甜蜜拍拖享受二人世界，阿Mo聞言後笑謂︰「呢啲係必定要做嘅事，就算有小朋友都要畀番啲時間自己同太太，唔可以全部時間畀晒佢哋，否則家庭生活會唔健康，（食飯都拖手喎！）我哋要將愛不斷延續落去，唔可以畀佢冷卻。」

陳貝兒︰感情重新出發

至於早前承認與前夫分開的陳貝兒就透露，今個聖誕節會多參與朋友安排的party，希望重新出發，她說︰「會趁機會多了解市場需要，希望過一個開心嘅聖誕，個人抱審慎樂觀態度，好多朋友都幫我安排節目。（要扮靚啲？）係呀，希望私生活有個新開始。」

採訪︰Pauline

編輯：黃寶恩

美術：招潤洪