余文樂怪錯JM唔宣傳

電影《狂獸》前晚舉行首映禮，男主角余文樂「投訴」文詠珊（JM）甚少為電影宣傳，後來才知原來是誤會一場，樂仔立即向對方道歉。

余文樂被問到是否怪責JM少為電影宣傳？他笑說︰「原來我怪錯咗佢，我啱啱先知佢之前患咗手足口病，要隔離。」JM澄清︰「隔離咗好耐，休息咗一段時間做唔到宣傳。」

余文樂又大呻片中多場水底戲拍得很辛苦。「近年拍嘅戲都無乜好嘢，唔係練好耐，就好危險，我識潛水都有幾次浸到死死下。」樂仔又自爆有次更險些爆肺，連日本攝影師都提醒他不可以不停落水。JM指觀眾要求愈來愈高，演員要不斷挑戰自己，她笑言片中的動作場面只有追逐及吊威也只屬小兒科。

蔡少芬聖誕賣唔甩老公

蔡少芬（Ada）與老公張晉雙雙穿情侶裝亮相，Ada透露大女近日發高燒燒了五日，為免細女被傳染而將兩姊妹隔離，卻令細女呷醋，她笑說花了不少唇舌解釋，Ada又表示大女康復後，聖誕節終於可以一家人去旅行，張晉反問她︰「你唔係賣甩我咩？」Ada立刻補鑊︰「我從來都唔會丟低我老公嘅。」

撰文︰Pauline

編輯：林梓添

美術：招潤洪