岑麗香慶生被誤傳有喜

無綫台慶劇《溏心風暴3》一班演員昨日出席記者會，大會更同時為岑麗香、唐文龍、陳智燊及黃宗澤慶祝生日，不過司儀蔡康年突然祝賀香香「有喜」，除了香香當堂一呆，就連李司棋、米雪、關菊英等紛紛上前祝賀，及後始知原來只是為她祝壽。

岑麗香突然被「爆」有喜，她笑言︰「我都呆咗，我自己都諗有咩？點解我自己有咗都唔知嘅？真係連自己都嚇咗一跳，原來係講生日。（有無生BB計劃？）順其自然啦，唔想有太多壓力。」上周五33歲生日的香香表示近幾年生日都幾乎在工作中度過，今年就在電視城綵排台慶。問到香香最終怎樣跟老公強強過生日？她說︰「嗰晚返到屋企買咗外賣，然後一齊睇下電視，之後會再補祝，我都好期待，亦相信老公會畀驚喜我。」

關菊英拍劇增磅

《溏心》系列四大台柱李司棋、夏雨、關菊英和米雪對於劇集即將出爐表示期待，菊姐更笑言︰「BB出世喇！」夏雨就直言從來沒有收視壓力，最重要是看「龍頭大哥」，即劇集監製劉家豪。菊姐笑稱開工期間經常為大家提供美食，原本以為開工後會減磅，反而日日食肥了自己，司棋姐更「警告」菊姐不能再食，否則肥下去就不能連戲。四大台柱又透露，他們將於12月16日到雲頂登台，近日要積極練卡拉OK，不過大家對平日唱慣歌的菊姐充滿信心，認為她能應付自如。

採訪：Pauline

攝影：林良明

編輯：林梓添

美術：梁政敏