關心妍呻同囡囡見面少

關心妍（Jade）昨日到商台受訪，提到下月16日舉行籌款晚宴，Jade透露希望最終能籌得300至400萬，用作幫助情緒有問題及有自殺傾向的人，她更提出新的籌款方式︰「傳統拍賣都係鑽石、畫同紅酒，原來都有好多人希望拍賣藝人時間，例如陪行山、行街、煮飯等。」那她有甚麼可以拍賣？Jade說︰「我可以煮飯、焗蛋糕啦，或者一次過湊三個小朋友。」

最近忙於處理晚宴事宜的Jade大呻無時間陪囡囡︰「連湊囡嘅時間都少咗，好彩有老公陪，我都要畀番多啲時間陪囡囡，否則佢唔理我喇。」