華仔月底入紙 明年返紅館

劉德華昨晚應邀出席主持《傳遞快樂．聖誕「喜」飛@海港城》亮燈儀式，華仔已是歷年來第四次擔任嘉賓，席上華仔分享過往最開心的聖誕。

華仔在台上表示過往的聖誕節多數都是做騷，千禧年更騎馬出場揭幕︰「今次他們都想叫我騎馬，我即刻say no，如果再要我騎馬就唔嚟啦，不過今次行樓梯都好似騎馬咁，哈哈。」華仔又謂原本聖誕應該是開演唱會，但因為有些驚喜（受傷），所以騰出了時間，近期都接了一些公開活動。「想畀大家睇到我已經完全康復！」受訪時華仔表示擔心騎馬只是講笑，更打趣謂可能跌一跌忘記了。

問他可有計劃聖誕與家人出外度假？他說都是留港，或出席一些公開活動︰「聖誕人多，機票又貴！（你都嫌貴？）唔係賺到就亂使嘛！」他說可能會在家中搞個小型Party。問到會否買禮物給女兒？他說多年來沒有送禮物習慣，不過女兒都會畫畫送給他。

華仔又透露今個月底會再申請入紙紅館，至於巡迴演出相信也是等香港開完騷後，笑言︰「呢啲真係債主啦！」由於今年受傷關係，預計明年開騷也不敢再跳勁舞，他笑謂︰「依家唔得啦！呢一年要開始研究歌藝，靠個樣搵食咗咁多年，終於可以開始靠歌藝，有一年時間應該可以開始學唱歌。」

採訪︰Pauline

攝影︰林良明

編輯︰林梓添

美術︰梁政敏