余思敏心痛學童被欺凌

鄭中基太太余思敏昨日出席新片《奇蹟男孩》首映禮，她笑言一對仔女平日會扭計要出街。「細仔會問我同爹哋（鄭中基）去邊？幾時返？所以中基會唔捨得開工。」她表示現在正進修兒童情緒心理課程。「我自己都要控制情緒，因為同小朋友太多角力會傷感情。」提到近日有小學生被欺凌，她自言十分心痛。「被欺負嘅小朋友好慘，欺負人嘅都要關注。我就係因為呢種問題而去讀書，如果仔女日後遇上呢啲問題，我都可以幫到佢哋，我會教佢哋喺學校遇到咩事，都要話畀我哋聽。」

攝影︰林良明