湯寶如開騷 遺憾學友撞期缺席

湯寶如（湯記）前晚在九展舉行入行25周年演唱會，昔日拍檔周慧敏、曹永廉及校長譚詠麟等到場支持及擔任表演嘉賓，不過湯記最遺憾未能邀得張學友現身合唱《相思風雨中》。

湯記在台上表示上次開騷是五年前︰「咁就25年，估唔到時間過得咁快，你哋邊個上次有嚟睇20周年演唱會？」沒有學友出現，湯記找來曹永廉合唱《相思風雨中》，兩人互相鬥嘴十分搞笑。其後黃翊和黎瑞恩上台，湯記重提五年前做嘉賓的趣事︰「嗰時你唔小心喺樓梯仆倒，所以今次為咗你特登無整樓梯，慳番晒成本。」到尾聲，壓軸嘉賓譚詠麟出場，他說︰「與湯記雖然喺寶麗金年代未合作過，但寶麗金年代嘅人就係自己人，所以湯記叫到，一定到。」

期待再踏紅館舞台

湯記完騷後受訪，表示很多謝一班朋友來做嘉賓︰「開始做呢個騷時，個個都係一打電話就無say no，不過遺憾請唔到張學友，因為佢要走Tour。」她又表示明年會推出新歌，希望挑戰自己唱不同類型的歌。問到可會考慮入紙紅館開show？她表示︰「儲多啲歌先，紅館係每個歌手都想做到，其實上次20周年都幾博，做到紅館已對自己有交代。」

撰文︰Pauline

編輯︰林梓添

美術︰顏玉玲