林夏薇新劇後閉關造人

無綫新劇《十二傳說》昨日進行試造型，該劇由蕭正楠（Edwin）夥拍林夏薇（薇薇）和劉佩玥主演。薇薇提到與富商Jason結婚已兩年，婚後生B計劃一拖再拖，她決定拍完這套劇便積極造人。

林夏薇昨日透露，拍完這套劇將會暫時休息積極造人。她說︰「唔好講到我好似告別唔做咁，我只係休息下，我每次拍劇就會百分之二百投入落去，所以想喺家庭生活上取番個平衡。（一開工就同老公保持距離？）又唔係，不過好多時拍劇日夜顛倒，連見面嘅機會都少。」

問到是否老公有微言？她說︰「應該係我覺得慚愧，好多時朋友聚會，大家講起做媽媽嘅話題我都跟唔上，朋友都叫我快啲生，咁我見佢哋又真係好開心！」蕭正楠打趣拍攝時可能她已傳來好消息，又笑言屆時一定要搵她留倩影。談到女友黃翠如聖誕節約女友人去旅行，慘遭女友「賣甩」的Edwin笑說︰「佢要報仇，因為之前我同黎耀祥佢哋去咗拍《公公出埠》，玩得好開心。」

黎燕珊加入TVB

至於首次拍無綫新劇的黎燕珊表示，最開心是同劇有邵氏的同學歐瑞偉，會叫他做「盲公竹」帶她盡早融入這個大家庭。該劇內容集齊懸疑、詭異題材，有宗教信仰的黎燕珊表示信鬼，但卻不害怕。

撰文︰Pauline

編輯：林梓添

設計：梁政敏