鄧麗欣呻社交圈子窄

鄧麗欣（Stephy）與樂基兒前晚在尖沙咀出席新片《女士復仇》亞洲電影節首映，Stephy最近頻頻參與中外電影節，坦言大開眼界。

Stephy近期有三部電影排隊上映，有指她與杜汶澤合演的《空手道》票房不似預期，她表示在首映講另一套戲有點尷尬。「我都聽講過，但最重要係觀眾口碑，有觀眾睇完都有很好嘅評語！好開心拍到杜汶澤嘅電影，佢係才華橫溢嘅導演！」

問她可有在外國影展認識新朋友？她說︰「都係電影圈嘅人，我哋社交圈子比較窄，完咗活動都係同工作人員食飯。」沒有趁機物色對象？34歲的她笑謂︰「做咩啫！我都無話心急（拍拖），人哋廿幾歲仲後生。」

樂基兒除了模特兒工作，她有意繼續拍戲，最近更忙於籌備推出烹飪書。計劃何時造人？她即笑謂︰「呢啲會發生嘅就會發生，哈哈！」

撰文︰Pauline

編輯：陳禮恒

設計：梁政敏