陳曉東為明年港騷操肌

陳曉東（東東）昨日出席防脫洗髮露活動，透露將頻頻在港跟大家見面，除了擔任湯寶如演唱會嘉賓外，更預告明年在港開騷。為了準備個唱，東東每日狂操肌，他笑說︰「依家單手可抱起一個囡囡。」

東東表示稍後公布個唱詳情︰「有個場地留咗日子畀我，依家傾緊細節，希望落實再公布。」他表示找來健身教練助他操肌，「我進入咗專業運動員時間表，一星期做三、四次健身，每次兩個鐘，練好體能。」問他屆時會否跟太太及兩個女兒齊齊上台？他自言未決定，又透露將會自組經理人公司︰「想打理自己嘅娛樂事業先，暫未諗住簽人。」

同場的名模Ana R.表示原本擁有一頭烏黑秀髮，但生女後出現脫髮。「我估因為所有營養都畀晒囡囡，荷爾蒙改變導致甩頭髮，之後先變番正常，但髮質已經唔同咗。我有同老公講，但佢完全唔明頭髮對我好似係生命咁重要。」

撰文︰李潔盈

編輯︰黃寶恩

設計︰梁政敏