為開跨年騷 千嬅預告缺席頒獎禮

港台為紀念「十大中文金曲」踏入40周年，製作特備節目《金曲40．大講堂》，前晚更邀得楊千嬅與近200位城大學生作分享。繼容祖兒後，千嬅亦宣布今年將缺席所有樂壇頒獎禮。

講座開始前，大會宣布《十大中文金曲頒獎禮》定於12月17日舉行，本年更特設「金曲40全球傑出歌手獎」，該獎項將於明年1月4日假九展舉行的「我和你音樂會」上頒發，前晚大會更即場聯同千嬅呼籲一眾樂迷踴躍投票。

唔畀囝囝睇騷

早前容祖兒預告將缺席樂壇頒獎禮，千嬅前晚直言自己也不會出席，事關她於聖誕在紅館舉行跨年演唱會已忙個不停，她笑言︰「港台喺1月4日舉行音樂會，我都未必去，開完咁多場騷腳軟㗎，之前一晚唱完返到屋企都腳軟啦。」

開騷時剛巧囝囝Torres放聖誕假，但千嬅表示不打算叫老公丁子高帶囝囝去紅館。「我覺得小朋友應該簡單啲好，唔好咁快畀佢出鏡。（你睇小春帶個仔上真人騷睇到喊喎！）睇人咪好囉！小小春叫小春唔好變老，自己又喊埋一份。」她直認看到這些畫面會很肉赤，再者認為個仔還小，人生不用行得太快。

採訪︰Pauline

編輯：林梓添

設計：K