千嬅為荷蘭女歌迷 哭崩舞台

將於12月底在紅館舉行跨年演唱會的楊千嬅，前晚於會展舉行拉闊音樂會，大演音樂劇。除了千嬅父母、弟弟、老公丁子高等捧場外，王菀之、吳業坤、陳柏宇、On仔＠C AllStar及顏卓靈等更輪流出場做嘉賓。

在音樂劇中，On仔與顏卓靈飾演一對拍拖到拉埋天窗的情侶，台上出現一個抱住公仔的小男孩，千嬅拖住小男孩坐低唱《野孩子》，千嬅問臨落台的小男孩︰「你係咪有句嘢同我講？」小男孩大叫︰「請你滾落去。」令千嬅及全場大笑。

在音樂會尾聲，工作人員遞上一封信，千嬅一邊讀一邊灑淚，原來該信是由千嬅一位荷蘭女歌迷GiGi的母親所寫，信中稱GiGi早年因開腦手術失敗而昏迷，直至一個月前GiGi醒來，重新學寫字時，第一個能寫出就是「楊千嬅」三個字，千嬅讀到此處已淚崩，要深呼吸後才能繼續，她祝福GiGi早日康復，最後以一首《楊千嬅》為音樂騷畫上完美句號。

盼Torres學懂獨立

完騷後，提到那封女fans的信，千嬅表示︰「商台喺FB集結好多歌迷嘅信，拎咗其中一封，其實唔止呢位fans，之前我做探訪，都有好多歌迷令我印象好深刻，每個人都有自己嘅故事，好令人感動。」千嬅答應會回信及拍片為對方打氣。

另外，提到李克勤早前表示有意送兩個仔去軍校受訓，千嬅認為︰「每個父母要求唔一樣，我個仔仲細，揀咗一間啱嘅學校畀佢，佢依家讀國際學校，佢由唔識打籃球到學識，雖然返到屋企隻腳損晒，又試過畀人推跌，我都畀佢自己學習去解決問題。」

撰文︰Pauline

編輯：林梓添

設計：梁政敏