《同盟》祝捷飯聚 鮑姐催展鵬成家立室

TVB劇集《同盟》早前在馬來西亞的《星和無綫電視大獎2017》中奪得佳績，前晚鮑起靜（鮑姐）自掏腰包慶祝。席中，鮑姐更催劇中的兒子陳展鵬快些結婚生B。

問到《同盟》會否開拍續集？陳展鵬表示要睇阿媽（鮑起靜）和監製，鮑姐笑說︰「原班陣容拍啲輕鬆嘅！（想唔想展鵬同女友單文柔一齊拍？）佢好多女友喎！（見過對方未？）我未見過喎。」展鵬則打趣只是多緋聞女友，但答應有「真命天女」一定會讓「阿媽」過目。談到早前在節目巡禮上，他與單文柔大方合照，展鵬表示為工作絕無問題。鮑姐聞言後笑說︰「我想抱孫呀！愈快愈好啦！」

定欣製造驚喜搞喊杏兒

另外，胡定欣和姚子羚早前為胡杏兒搞睡衣派對慶牛一，定欣踢爆其實是杏兒老公Phil提議的。定欣笑謂︰「佢老公偷偷哋放我哋入屋，我估杏兒都諗到我哋會同佢慶祝，但估唔到我哋突然出現，搞到杏兒都眼濕濕！」下一位壽星女輪到胡蓓蔚（豹嫂），不過豹嫂已講明不用姊妹搞驚喜，定欣說︰「因為我試過send錯群組穿咗煲！搞到我之後send message都好緊張。」

撰文︰Pauline

攝影︰林良明

編輯：林梓添

設計：梁政敏