鎮宇笑怨父慈子「恰」

由劉德華監製的本地原創迷你劇《香港華爾街》及葉念琛執導的《心冤》將安排在全新平台「FOX+」播放，前晚在天際100舉行盛大發布會，兩片的製作班底及演員包括吳鎮宇、張可頤、惠英紅等均有出席。

吳鎮宇前晚透露剛拍完幾部電影，聖誕期間又要往外地拍外景，問到兒子Feynman可有投訴？鎮宇指兒子本身很忙，加上他跟過自己一齊工作，明白拍戲是甚麼一回事，知道爸爸工作會有壓力。問到最近可有人找他們父子檔演出？他打趣表示︰「最重要無人搵佢，哈哈！」兒子又會否在他收工回家時𠱁他？鎮宇笑言︰「佢成日恰我㗎！我又會心軟，好多時乜都食剩先畀我。」又揶揄兒子肥到見不到頸，十足Snowman，更曾因此帶他睇骨科醫生。

惠英紅前晚以一身中性打扮出席，她表示本身喜歡中性打扮，不過造型師設計會比較女性化及稍為性感，她笑言性感程度不可以見到胸前的癦。

小紅恨見羅拔迪尼路

已近20年沒有拍拖的小紅直認沒有異性追求，問到可是形象太打得令男士卻步？她立刻表示本身在煮食和縫紉方面都不錯，以前開過美容院，57歲的她表示希望遇到年紀相若的男士。「最好似羅拔迪尼路啦，以前去紐約更去勻由佢投資嘅餐廳同店舖，食一餐仲好貴，可惜一次都未遇過佢。」

採訪︰Pauline

編輯：林梓添

設計：K