洪朝豐中醫治舌癌

確診患舌癌的洪朝豐前晚出席《情謎梵高》首映禮，談到目前病情，他說：「西醫安排做手術，但我睇緊中醫，食咗藥無咁痛，會去南京接受中醫團隊診療。」雖然離港將錯過西醫建議的最佳做手術時間，但他表示無所謂，更視任何一個醫學決定為一場賭博。洪朝豐又稱：「講咗間屋會留畀個仔，至於醫藥費，本身有積蓄嘅，朋友都叫我唔使擔心，必要時可以資助我。」