林德信扮包山王無人認得出

衛詩雅、林德信及袁澧林等人昨日到屯門拍攝真人改編的勵志電影《獅子山上》，衛詩雅在片中飾演林德信老婆，還要扮大肚婆，她表示拍攝前一星期已向劇組借了個假肚練習，就算出街都戴住搭巴士，她說︰「估唔到真係有人讓位，但我唔好意思坐。」

另外，林德信在片中扮演「包山王」黎志偉，還要坐輪椅及剪短頭髮，他笑言反而覺得年輕了︰「屋企人都認唔到我，公公眼神似問『你係邊個？』，爹哋（林子祥）喺餐廳見到我以為係侍應。」