蕭正楠唔撑翠如做視后

最近有報道指蕭正楠（Edwin）有意結婚做爸爸，女友黃翠如也由原先拖延嫁期到現在改變想法，考慮為男友生狗年BB。不過翠如日前已否認傳聞，更聲言仍會在事業上衝刺；Edwin也講明先結婚後生仔。

蕭正楠、方力申、江美儀及梁嘉琪等昨早出席慈善步行活動，蕭正楠表示最近十幾年都沒這麼早做運動，平時只是在晚上做運動。問到女友黃翠如可有陪他一起？他笑言：「佢流少少汗都拒絕，平時食得多又唔做運動，但係又唔肥，令好多人羨慕。」對於苗僑偉早前表示，睇好翠如奪視后，Edwin說︰「佢今年只係同翠如合作，梗係要撑佢啦。」不過，他表示有留意到女友演技有進步，尤其早幾日播出的那場喊戲，問到是否支持她年底獲獎？他就直言：「離獎項其實仲有一段距離，佢入行日子尚淺，仲有好多地方需要學習。」另外，近日有傳他與翠如準備生狗年BB，他聞言後帶笑否認︰「好搞笑！啲報道好似劇情咁，我11月拍新劇，預計到農曆新年都無時間結婚。」

澄清未有婚期

問到翠如是否計劃今年停工結婚生B？Edwin直言︰「我哋受薪㗎，公司叫到都要做，佢好多綜藝節目要拍，出年仲要拍劇。」問到是否等到贏視帝才結婚？Edwin笑說︰「咁就唔使結啦。」

至於方力申提到近日頻頻早起參加慈善活動，他表示︰「我覺得富足來自做義工，同時喺義工世界內無階級背景之分。」問到女義工會否特別吸引？他笑謂︰「心地好永遠都加分。」

撰文︰Pauline

編輯：林梓添

設計：梁政敏