《降魔的》 馬明騎呢捉妖 又驚又笑

都市傳說，夜更的士司機經常「撞嘢」，遇到很多匪夷所思的事情，台慶劇《降魔的》馬國明化身成命硬司機大佬，意外遇上「男精靈」胡鴻鈞，從而踏上驅魔之路。故事靈異又搞笑，為大家解開鬧鬼謎團。

新劇講述馬明某次揸夜更的士時人有三急，意外喚醒沉睡數百年的「石精靈」胡鴻鈞，得以「開天眼」看見靈體。後來一人一精靈踏上了降魔伏妖之路，正邪兩戰一觸即發……

監製方駿釗表示，新劇想吸引多些年輕人看大台電視，因此包涵了很多奇幻和驚嚇的創新元素。「最驚嚇的，是馬明為救交通意外後變成植物人的黃智雯，他走到負13樓地庫的詭異空間，整個氛圍很恐怖。」

人類精靈深厚情

監製又指在驚嚇之餘，同時亦保留了搞笑元素，令整套戲既有辣味、又有甜味。「其實驚嘅時間每次都只係兩、三分鐘，之後就立即變回笑料，例如胡鴻鈞是數百年前的精靈，他甦醒後發現有很多新奇事，有手機、自拍神器、街燈和的士等，令他沉迷玩手機，又迷戀非常怕鬼的靈異節目主持劉佩玥，十分搞笑。」

新劇雖以靈異包裝，但中心思想是大講親情。「很多人覺得，人死後嘅靈體不願離開人間，是因為還有留戀，新劇藉着馬明遇上了不同靈體、精靈和妖怪，深究『不走的原因』，協助佢哋還清心願。」他又指謝雪心和胡鴻鈞的「母子情」最令人感動。「有次以為胡鴻鈞要返回地府，於是她跪喺地上求神，寧願折壽折福，求佢留喺人間。」

3大必睇位：柔情鐵漢

馬明飾演一個有情有義的士司機，麻甩卻很溫柔，與養母謝雪心有一段深厚的母子情。

3大必睇位：傻氣精靈

監製透露安排胡鴻鈞演精靈角色，因為他在《殭》的表現，令觀眾更易相信他是有「仙氣」和「傻氣」的精靈。

3大必睇位：放棄靚樣

心姐在劇中飾演按摩師，監製大讚她放棄靚的一面，衣着、造型、動態上要有江湖味，而且在戲內經常哭，演得非常專業。

撰文︰王詠瑤

編輯︰林梓添

設計︰K