高海寧壓力大現鬼剃頭

森美、高海寧和黃心穎等昨日出席新旅遊節目《森美旅行團》記者會。提到高Ling日前於社交網站上載一張「鬼剃頭」照片，被指供樓壓力大所致，她解釋︰「都唔知係咪壓力大，但身體有啲狀況出現。開頭手心冒汗，仲諗緊係咪體質虛，之後髮型師幫我吹頭時見到我甩頭髮，我諗係壓力大。不過今個月尾電影先煞科，下個月又有台慶，接着又會開新劇。」問到男友鄧智偉可有擔心她？高Ling表示︰「大家好忙，自己照顧自己，我哋好獨立。」