操出42吋胸肌 張繼聰爆張家輝都想摸

張繼聰去年拍劇《幕後玩家》，將胸肌操到42吋，體重亦由144磅迅速增至174磅，他表示為投入新片要繼續操練，不過隨着新片延期開拍，起碼要keep多一年大隻佬身形。

張繼聰及韓君婷等昨日出席娛樂公司開幕活動，穿上西裝褸的張繼聰身形明顯大了一個碼，他解釋是為了即將拍的一齣體育片操練，但卻被誤會為「睇肉片」，令他哭笑不得。他說︰「最近拍《誇世代》宣傳片，服裝部都唔敢叫我着番舊戲服，套套都唔啱身，不過依家套新戲可能押後到2019年先拍，（挑戰張家輝在《激戰》中的造型？）近排我有見過佢，佢嘅雙手都喺我身上游走。」

談到日前阿聰泊車時發生意外，他事後在網上留言，若有人試過同類事件就給dislike，結果收到大量網民的dislike，他笑謂︰「大家以後見到我泊車，識做走遠啲，我係車手嚟！」

撑謝安琪復出

此外，談到太太謝安琪傳已簽約麥浚龍，並計劃明年復出，阿聰表示︰「詳情等佢哋講，不過作為老公我都好安心，開心嘅係佢搵到一個合作partner，對佢一定無限支持。」

採訪︰Pauline

編輯：林梓添

設計：梁政敏