陳奕迅麥花臣騷 不忘唱經典歌

陳奕迅（Eason）前晚在旺角麥花臣場館舉行的《Eason says C'mon in Tour新歌音樂會》首場，獲太太徐濠縈及好友撑場，Eason更大唱廣東金曲，炒熱現場氣氛。

前晚Eason一身便服出場，獲台下男歌迷大讚「好靚仔！」四年未有在港開騷的他，演繹新歌之餘，也唱了多首90年代及2000年後的作品。「特登為你哋預備咗一啲粵語流行曲，我唔知佢哋係咪再流行，但係我好鍾意！」當他演繹Jazz版《超人的主題曲》更令全場拍掌叫好。

Eason完騷後受訪，提到門票被炒貴至7,000元一張，他說︰「吓？點解佢哋可以買到咁多飛，我真係唔知。我唔係要助長呢件事，都同情買咗貴飛嘅人。（開多幾場？）開幾多場都係炒，上次開25場都炒，證明我有價值，哈哈！」有傳Eason明年在港開騷，他親口澄清最快也可能要2019或2020年，還要成功申請紅館檔期才行。

Eason早前在ViuTV節目上打呵欠模仿黎明（Leon）唱歌，事後遭Leon粉絲鬧爆，Eason澄清說：「實不相瞞，我近年跟Leon有點私交，才夠膽扮佢搞氣氛，唔係熟人我都唔敢，我入行20年都知道要少啲『踩屎』。」

撑那英辭任《中國新歌聲》

談到那英發聲明不再擔任《中國新歌聲》導師，同樣身為導師的Eason表示事前不知情，相信是對方做了六年有點攰。

有指那姐因比賽有黑幕才辭任，Eason口快快說︰「TVB都大把啦！叫我哋撳掣嗰啲唔算黑幕，只係大會着急趕流程，不過最終決定權仍在導師手上，我哋唔撳都奈我哋唔何。」

採訪︰Pauline

編輯：林梓添

設計：梁政敏