緋聞2號陳偉琪 王浩信︰無中生有

近日被緋聞纏身的王浩信，日前拖太太陳自瑤（YoYo）出席公開活動，用行動證明婚姻無問題。不過，近日又有雜誌指他與「無綫咪神」陳偉琪有染，相信王浩信今次有排頭痕。

王浩信和李佳芯（Ali）昨日到旺角出席手袋活動，品牌送他一個刻上太太「YoYo」英文名的手袋，事後問他會否送給太太負荊請罪？他說︰「送手袋都係借花敬佛，想抽時間陪佢多啲。」那他是否在財政上，甚至精神上支持太太？他點頭示意，又說︰「佢付出時間照顧家庭，令我無後顧之憂，呢個係佢最大任務，我亦唔介意財政上交晒畀佢處理。」

對於有周刊指他與「無綫咪神」陳偉琪有染，王浩信表示︰「我唔識呢個女仔。（拍《溏心3》合作過？）我哋無同場合作過。（覺得生安白造？）或者有媒體覺得寫我會多觀眾睇。（桃花好旺喎？）呢件事都無中生有，喺呢行咁耐我明白，但唔好傷害其他人。」他強調不用為此事再跟太太解畫，又表示最近兩公婆忙為女兒報讀小學，稍後更會一齊出席囡囡的第二輪面試。

Ali嘆感情很脆弱

同場的李佳芯表示會支持王浩信，她慶幸拍劇以來從未跟對手傳緋聞，問她是否與男友打風都打唔甩？Ali笑謂︰「今年啲風都好勁，好易甩㗎咋！」她又說工作才最緊要，相比下感情其實很脆弱。

採訪︰Pauline

編輯︰林梓添

設計︰梁政敏