黎諾懿自爆被同性表白

王心慰監製的新劇《逆緣》已接近煞科，昨日在尖沙咀一間酒店拍攝一場慈善拍賣會場面，劇情講述林夏薇一直誤以為黎諾懿對她有好感，卻原來表錯情，黎諾懿原來情傾夏文汐。

已為人妻的林夏薇在劇中對黎諾懿表錯情，問薇薇現實中可曾試過？她坦言在感情方面相當謹慎︰「基本上無乜把握都唔會採取主動，所以多年嚟都無食過檸檬。（同老公初相識係邊個做主動？）我哋係兩情相悅，好奇怪，同老公拍拖時反而順其自然發展，緣份就係咁樣。」而黎諾懿就自爆婚前曾有一名男士向他表白。「當日我同對方講︰暫時未係（同性戀）。」他表示都有同性戀朋友，多數都好細心，性格又好，當日只是不想一口拒絕令對方難堪而已。

夏文汐呻拍劇辛苦

另外，夏文汐相隔多年再拍劇，坦言有好幾日捱更抵夜相當辛苦，幸好本月16日煞科，之後會返上海休息一段時間。她更爆早在收劇本時，已屬意黎諾懿當男主角，她又笑言當年與方中信和黃秋生合作，也是由自己點名提出。問到早前與秋生合作拍ViuTV劇集，對方是否依然靚仔？夏文汐立刻作狀扮嘔，相當搞笑。

採訪︰Pauline

編輯：林梓添

設計：梁政敏