夫妻恩愛闢謠 陳自瑤：我哋無事

王浩信和陳自瑤（YoYo）結婚六年，最近王浩信與蔡思貝傳緋聞，又傳二人秘密短叙，昨日浩信拖住YoYo現身活動，兩人同聲同氣力證沒有分居。

王浩信和陳自瑤被傳分居後，昨日首度一起出席公開場合。兩公婆在活動上不斷放閃，蹺手、搭膊及攬腰等，受訪時又深情互望，以行動粉碎謠傳。浩信再次強調沒有分居，YoYo亦稱：「我哋無事，我哋好好。」對於老公的緋聞停不了，YoYo說︰「可能佢呢排多劇，人紅自然是非多。」王浩信亦解釋可能夫妻少有一齊現身才引來連番揣測。

對於王浩信疑夜訪蔡思貝香閨，YoYo繼續撑老公︰「唔需要質問，對老公梗係盡量信任。」有沒有提醒老公減少與女性有親密接觸？王浩信立刻搶答：「唔使叫啦，自己都唔會。」有報道指王浩信同YoYo出街零交流，王浩信說︰「戴咗面罩都見到黑面？」YoYo補充：「我哋係有交流嘅，畀人寫到無啫。」

敏之帶囝囝工作不為錢

同場還有陳敏之同囝囝「雷冬至」雷子樂現身，敏之表示今次囝囝出騷的酬勞會撥入囝囝的教育基金，自己那份都給他。被問會否為囝囝接廣告，敏之坦言︰「囝囝依家未返學都ok，但返咗學就唔想佢成日出嚟，畀佢拍廣告都係留紀念，反而以後想佢參加多啲義工活動，學識珍惜食物同玩具，同人分享，而唔係主要搵錢。」

撰文︰Pauline

編輯：林梓添

設計：招潤洪